 |
SIGLING Á RÍN
2009
FJÖGURRA LANDA SÝN
HAUSTFERÐ 06.09.09. – 13.09.09.
ATH. SÍÐUSTU FORVÖÐ AÐ PANTA!
FERÐATILHÖGUN
MYNDAALBÚM |
Organized
Tours |
 Ævintýraferðin með MS Bellissima liggur um Holland, vestur- og
suðurhluta Þýzkalands, Frakkland og Sviss.
Landslagið við Rín er óviðjafnanlegt. Litlir skurðir teygjast út frá
fljótinu í Amsterdam og túlípanaakrar út að sjónarrönd. Þá taka við
vínekrur og kastalar frá miðöldum.
Þegar flatlendi
Hollands sleppir, taka við kastalar Sjöfjalla, St. Goarshausen og
Loreley. Næsta landslagssvæðið er Rheingau sunnan Worms, þá
Strassburg í Elsass og Basel í Sviss, þar sem siglingunni lýkur.
Skipið,
sem siglir undir hollenzkum fána og var byggt árið 2004, skartar
fjórum hótelstjörnum.
Það er
111 m langt, 11 m breitt og hýsir allt að 134 farþega. Um borð er
setustofa með bar, verzlun og mjög fallegur og reyklaus veitingasalur
á efra þilfari. Þaðan liggja nokkrar tröppur og stóllyfta fyrir
fatlaða upp á sólþilfar með nuddpotti.
Allar 67 káeturnar bjóða útsýni frá aðal- og efra þilfari. Þær eru
þægilega innréttaðar með sturtu og salerni, hárþurrku, litasjónvarpi,
öryggishólfi (gegn gjaldi), skipssíma, stillanlegri loftræstingu og
tveimur rúmum, sem er breytt í sófa á daginn. Káeturnar eru allar
reyklausar og u.þ.b. 12 m2, nema svítan, sem er 24 m2.
Káetur á efra þilfari hafa allar franskar svalir og opnanlega
útsýnisglugga.
Gjaldmiðilar um borð eru evra, master- og vísakort.
1. dagur.
Flug frá Íslandi til Hollands / Amsterdam.
Víkingaslóðir bjóða rútuferð frá BSI til Keflavíkur.
Brottför frá BSÍ kl 05:00. Rútan stoppar fyrir alla, sem vilja taka
hana á leiðinni til Keflavíkur, í Kópavogi, Garðabæ og Hafnafirði.
Mæting á Keflavík flugvelli fyrir klukkan 06.30.
Brottflug til Amsterdam kl 07:55.
Þegar komið er til Skiphol, klukkan 12:55 (staðartími), bíður rútan okkar fyrir
framan flugstöðina og ekur okkur frá flugvelli að skipshlíð í
Amsterdam. Við göngum um borð þar sem okkur verður veitt
hressing og nokkrar upplýsingar varðandi ferðinni til Basel í Sviss.
Áhöfn skipsins sér um að koma farangri okkar fyrir í káetunum, sem var
úthlutað, þegar ferðin var pöntuð.
Kvöldverður um borð.
Upplagt er að skoða næturlífið í heimsborginni Amsterdam eftir matinn.
 2.
dagur.
Amsterdam - Köln.
Amsterdam er höfuðborg Hollands með rúmlega 700.000 ibúa. Stærð
borgarinna er um 130 ferkílómetrar, þar af eru 100 ferkílómetra land,
en 30 ferkílómetrar er vatn og skurðir. Nafnið Amsterdam er
dregið af nafni litillar eyju (dam) i ánni Amstel.
Eftir morgunverð verður farin bæjarferð um skipaskurði Amsterdam.
Síðan er hádegisverður um borð. Brottsigling frá höfninni í Amsterdam
er klukkan 16:00, þannig að áhugasamir geta eytt meiri tíma í
borginni.
Ferðin liggur um margar skipaskurði í Hollandi þar til við komumst út
á Rín og áleiðis til Kölnar í Þýzkalandi.
Hádegisverður, síðdegiskaffi og kvöldverður verða um borð.
Um kvöldið er boðin létt tónlist og dans í setustofu.
3. dagur.
Köln – Koblenz.
 Við komum til Kölnar um tvöleytið síðdegis. Eftir að skipið er lagzt að
bryggju förum við í gönguferð. Við skoðum Kölnardómkirkjuna, sem er í
gotneskum stíl. Bygging hennar hófst árið 1248. Hún er
rómversk-katólsk og heitir réttu nafni Hohe Domkirche St. Peter og
Maria. Mesta turnhæð hennar er 157 metrar. Hún er næststærsta
kirkja Þýzkalands á eftir Ulmer Münster, og hin þriðja stærsta í
heiminum.
Eftir göngutúrinn er haldið um borð í kvöldverð. Örstutt er í
miðborgina og frjáls tími gefst þar til skipið
lætur úr höfn klukkan 23.00 um kvöldið og siglir áfram til Koblenz.
4. dagur.
Koblenz - Rüdesheim.
Við komum um áttaleytið til Koblenz. Íbúafjöldinn þar er nálægt
105.000. Borgin hefur verið stórborg siðan 1962. Hún er einhver
elzta borg Þýzkalands, varð 2000 ára 1992. Við siglum framhjá
Deutsches Eck, þar sem Rín og Mosel mætast og styttunni af
Þýzkalands-keisaranum Wilhem I (†1888), sem var komið á stall á árabilinu
1893 til 1897.
 Skipið leggst að bryggju rétt hjá. Þaðan er stutt að
öllum torgum og verzlunargötum, því borgin er á árbakkanum. Brottför skipsins er klukkan 12:00 og
áfram
verður haldið til Rüdesheim.
4. dagur.
Rüdesheim – Worms.
Siglingin til Rüdesheim tekur um
það bil 6
klukkustundir og verður landslagið
stórfenglegra og fallegra eftir því
sem sunnar dregur. Við sjáum
kastala frá miðöldum, siglum framhja vínbænum
St. Goarshausen, rétt
hjá hinu 132 metra háa Lóreleyjarfjalli.
Síðan taka við vínekrur meðfram ánni. Við
leggjum að bryggju í Rüdesheim klukkan 18:00, þar sem okkur gefst
tækifæri til að bragða hinar gullnu veigar þeirra.
Við förum með Winzer-lestinni að bænum Rüdesheim og skoðum
tónlistarsafnið, síðan er hverjum og einum frjást að skoða næturlifið,
þar sem brottför skipsins verður ekki fyrr en
klukkan 04:00 um nóttina!
 5. dagur.
Worms – Heidelberg.
Við leggjum að bryggju kl 10:00 að morgni í
borginni Worms, sem keltar byggðu.
Worms er líka þekkt fyrir Niflungarsögu, sem borg Luthers og fyrir St.
Peter dómkirkjuna, sem var byggð í rómönskum stíl samtímis kirkjunum í
Speyer og Mainz. Þar er elzti gyðingakirkjugarður í Evrópu, frá árinu
1076. Flestir þekkja vínið Liebfrauenmilch, sem er framleitt í Worms.
Þar stígum við
upp í
rútu og ökum til Heidelberg, sem er einhver elzta háskólaborg
Evrópu. Þar skoðum við kastalann og njótum frjáls tíma í gamla
borgarhlutanum, þar til við verðum að halda til skipsins aftur, en brottför
þess er klukkan 18:00.
6. dagur.
Elsass – Strassburg – Colmar. Heill skoðunardagur.
Við leggjust að bryggju um áttaleytið í Strassbourg. Klukkutíma
síðar siglir skipið áfram til Breisach. Gestir sem ekki vilja
fara í þessa dagsferð með rútunni geta orðið eftir um borð. Við byrjum
á bæjarferð í Strassbourg. Sjáum byggingar
Evrópuráðsins,
 skoðum
kirkjuna Liebfrauenmünster (Cathédrale
Notre-Dame). Siðan
göngum við um gamla borgarhlutann með sínum fallegu, litríku húsum og
síkjum, þar sem fólkið siglir líka um þessa yndislegu borg.
Við höldum áfram í gegnum vínhéruð Elsass til Colmar, þriðju stærstu
borgar í Elsass með rúmlega 65.000 íbúa. Við sjáum stærstu kirkjuna í
Colmar, Martin Dom (byggð 1230-1370). Í Colmar finnum við mörg
mikilvæg borgarahús frá miðöldum og endurreisnartímanum. Einhver
fegursti borgarhlutinn er kallaður Litlu-Feneyjar við ána Lauch.
Að kvöldi dags ökum við til Breisach, sem er 20 km frá frönsku
landamærunum. Þar bíður okkar góður kvöldverður og skemmtun um
borð.
7. dagur. 25.05.09.
Breisach – Basel.
 Landfestar verða leystar klukkan 07:00 um morguninn. Áfram verður
siglt upp Rín og í gegn um margar slaufur. Það eru margar slíkar
í þessari ferð, því hæðarmunur frá Amsterdam til
Basel eru um 400 metrar. Við komum til Basel um tvöleytið síðdegis.
Hún er þriðja stærsta borg í Sviss með 170.000 íbúa. Borgin Basel er
kölluð Þriggjalandahornið, vegna þess að hún er í Sviss, og liggur að
Þýzkalandi og Frakklandi! Bæjarferð okkar hefst frá höfninni St.
Johann.
Við skoðum m.a. dómkirkjuna Baseler Münster, sem var byggð á árunum 1019–1500.
Þá sjáum gamla, þýzka járnbrautarstöð, sem heitir Badischer Bahnhof.
Þaðan hefjast allar ferðir frá Sviss til margra áfangastaða í þýzkalandi. Einnig
sjáum við hluta af gömlum borgarmúrum, sem umluktu borgina fyrr á öldum. Þrjú falleg borgarhlið standa enn þá,
Spalentor (tvíturna),
St. Johann Tor og St. Alban Tor.
Eftir bæjarferðina förum við aftur að skípinu. Eftir morgungverð
næsta morgun bíður áhöfnin okkar eftir því að getað farið með
töskurnar frá borði að rútunni. Framundan er tveggjaoghálfsdags ferð
um Suður-Þýzkaland.
Kvöldverður er um borð í skípinu, en kvöldið er frálst.
Þetta
er síðasta nóttin um borð.
 8. dagur.
Frá Basel er ekið um Rínarfossa og Stein am Rhein, gamla borg með
fallegum bindingshúsum, þar sem Rín rennur úr Bodenvatni. Þaðan
er ekið til síðasta náttstaðar í Svartaskógi.
 9. dagur.
Eftir
morgunverð förum við til Frankfurt við Main og út á flugvöll.
Ferðinni er heitið heim til Íslands.
Víkingaslóðir bjóða rútuferð frá Keflavíkurflugvelli til Reykjavíkur
(BSÍ - Umferðarmiðstöðin).
Væntanlegt brottflug frá Frankfurt er klukkan 14:00
Komið til Keflavíkur um klukkan 15:30, ef áætlun stenzt.
Innifalið í ferðinni:
Flug og flugvallarskattar, Keflavík-Amsterdam og Frankfurt-Keflavík.
Akstur frá Skiphol-flugvelli að skipi.
Sjö nátta ferð með MS Bellissima í reyklausum tveggja manna káetum í
samræmi við bókun.
Fullt fæði, morgunverðarhlaðborð, hádegis- og kvöldmatur, sem hefst
með kvöldverði og fordrykk fyrsta kvöldið um borð og endar með
morgunverði síðasta daginn. Galakvöldverður eitt kvöldið.
Tónlist í setustofu á hverjum degi.
Hafnagjöld.
Leiðsögumaður, leiðsaga á íslenzku
Stutt gönguferð um miðbæ Kölnar.
Skoðunarferð í Rüdesheim.
Ferð með Winzer-lestinni og heimsókn í Siegfried-tónlistarsafnið.
Skoðunarferð frá Worms til Heidelberg með rútu.
Rútuferð um miðbæ Strassbourg og vínleiðina í Elsass til Colmar.
Rútuferð um miðbæ Basel.
Ein gistinótt í þýzkalandi, með baði, kvöldverði og morgunverði.
Eins og hálfsdags rútuferð með leiðsögumanni frá Basel til
Frankfurt.
Íslenzk fararstjórn
Rútuferðir til og frá Keflavíkurvelli fyrir brottflug og eftir
heimkomu.
Verð:
Gisting í tveggja manna káetu á aðalþilfari og einnar nætur gisting í
þýzkalandi m/baði ikr. 202.724.-.
Gisting í tveggja manna káetu á efraþilfari og einnar nætur gisting í
Þýzkalandi, m/baði ikr. 215.924.-.
Gisting í einsmanns káetu á aðalþilfari og einnar nætur gisting í
Þýzkalandi m/baði ikr. 255.524.-.
Tilgreind verð eru með fyrirvara um skatta- og gengisbreytingar
(tilgreind verð miðast við 120.- kr. gengi evru).
Ekki innifalið:
Drykkir og þjórfé.
Nauðsynlegt að vita:
Komu- og brottfarartímar og -staðir eru í ferðagögnum.
Tímaáætlanir geta breytzt vegna biðtíma við slaufur, vatnshæðar í
fljótinu, sjávarfalla eða annarra siglingaraðstæðna.
Hádegisverður í skoðunarferðum er nestispakki frá skipinu.
Víkingaslóðir ehf., Fannafold 165, 112 Reykjavík, sími
567-2288, fax 567-2280 og netfang
vikingaslodir@islandia.is
- Um okkur.
|
