Ábæjarkirkja,

Allt um Ísland


ÁBÆJARKIRKJA
.

.

Áætlun sérleyfishafa
umhverfis landið

 

Ábæjarkirkja er í Mælifellsprestakalli í Skagafjarðarprófastsdæmi.  Ábær, á eystri bakka Austari-Jökulsár, hefur verið í eyði síðan 1941.  Steinsteypt kirkja, sem var vígð 1922, stendur þar enn þá.  Sókninni var fyrrum þjónað frá Goðdölum en árið 1907 var hún lögð til Miklabæjar.  Önundur víss, landnámsmaður í Austurdal er talinn hafa sett saman bú að Ábæ.  Meðal þekktra drauga í þjóðsögum er Ábæjar-Skotta.  Hún var mörgum erfiður ljár í þúfu, einkum fólki í innanverðum Skagafirði.  Hún drap fé, hræddi fólk og er jafnvel sögð hafa orðið því að bana.  Hún var í slagtogi með Þorgeirsbola og settist stundum á húð hans og lét hann draga sig, þegar hún var þreytt.

NORÐURLAND SAGA OG MENNING


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM