Miðgarðakirkja,

Allt um Ísland


MIÐGARÐAKIRKJA
.

.

Ferðaáætlanir
Rútur-Ferjur-Flug

 

Miðgarðakirkja er í Akureyrarprestakalli í Eyjafjarðarprófastsdæmi. Miðgarðar eru bær og kirkjustaður í Grímsey. Þar voru katólskar kirkjur helgaðar Ólafi helga Noregskonungi. Kirkjan, sem nú stendur, var byggð 1867. Turn og kór voru reistir árið 1932.  Árni Hallgrímsson frá Garðsá í Garðsárdal var yfirsmiður.

Árið 1932 var kirkjan færð um lengd sína frá Miðgarðabænum vegna eldhættu. Þá var byggður kór og forkirkja með turni við hana. Þá var yfirsmiður Helgi Ólafsson.

Gagnger endurbót fór fram 1956 og hún var endurvígð. Hana annaðist Einar Einarsson, smiður. Hann var djákni á árunum 1961-1967. Einar gerði tréskurðarmyndina á útihurðinni en hún sýnir Jesú í bátnum, þegar hann kyrrði vind og vatn. Einar skar líka út prédikunarstólinn auk skírnarsás. Altaristaflan sýnir kvöldmáltíðina og yfir henni er ævagamall marmarakross með Kristslíkneski úr katólskum sið.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM