Sjávarborgarkirkja,

Allt um Ísland


SJÁVARBORGARKIRKJA
.

.

Ferðaáætlanir
Rútur-Ferjur-Flug

 

 

Sjávarborgarkirkja í SkagafirðiSjávarborgarkirkja er í Sauðárkróks-prestakalli í Skagafjarðarprófastsdæmi. Sjávarborg er bær í Borgarsveit. Þar var kirkjstaður a.m.k. frá 14. öld til 1892, þegar kirkjan var lögð af. Sóknin var sameinuð Fargranessókn með kirkju á Sauðárkróki.

Timburkirkjan á Sjávarborg var byggð 1853. Hún stóð áfram sem skemma og upp úr 1960 vaknaði áhugi heimamanna og sóknarprests fyrir því að endurreisa kirkjuna sem kapellu, sem stæði til minja um forna tíð og til helgihalds.

Þjóðminjasafnið tók kirkjuna á fornminjaskrá og stóð fyrir endurbyggingu hennar norðar á Borginni. Gunnar Bjarnason, húsasmiður, sá að mestu um það verk. Kirkjan var endurvígð 1983.  Hún er 8,1 m á lengd og 3,8 m á breidd. Hæð undir bita er 1,9 m. Hún er sex stafgólf.

Kirkjan var fyrrum í bændaeign og því voru flestir gripir hennar seldir, þegar hún var aflögð. Nú er í henni altaristafla frá Melum í Melasveit og prédikunarstóll frá Stað í Grindavík.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM