Þóroddsstaðarkirkja,

Allt um Ísland


ÞÓRODDSSTAÐARKIRKJA
.

.

Ferðaáætlanir
Rútur-Ferjur-Flug

 

Þóroddsstaðarkirkja er í Ljósavatns-prestakalli í Þingeyjarprófastsdæmi. Þóroddsstaðir eru kirkjustaður og bær í Köldukinn og prestssetur frá þjóðveldisöld til 1916. Síðasti prestur þar var Sigtryggur Guðlaugsson á árunum 1899-1905, sem síðan færði sig að Núpi í Dýrafirði.

Katólskar kirkjur á Þóroddsstöðum voru helgaðar Maríu guðsmóður og Nikulási erkibiskupi. Timburkirkjan, sem nú stendur er turnlaus og í norðlenzkum stíl, var byggð 1885. Klukknaport er í sáluhliði. Sveinungi Sveinungason málaði altaristöfluna með mynd af Kristi með kaleikinn. Prédikunarstóllinn er frá 1791, smíðaður af Ara Ólafssyni á Skútustöðum. Aðalgeir og Sigurður Halldórssynir á Stóru-Tjörnum gerðu skírnarsáinn 1970. Kirkjan var mjög illa farin 1984 og til stóð að rífa hana og byggja nýja.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM