Ás í Fellahreppi, Ás í Fellum,

Meira um Ísland


Gönguleiðir Ísland


ÁS
.

.

Ferðaáætlanir
Rútur-Ferjur-Flug

 

Ás í Fellum er fyrrum prestssetur, bær og kirkjustaður í Fellum. Þar var kirkjan helguð Maríu guðsmóður í katólskri tíð. Prestakallið var lagt niður 1883 og fell undir Valþjófsstað. Kirkjan, sem nú stendur, var byggð 1898. Séra Sigurður Gunnarsson (1848-1936), prófastur, var síðastur presta í Ásprestakalli. Hann varð síðar prestur á Valþjófsstað og í Stykkishólmi.

Hörmulegt slys varð í Ási í nóvember 1946, þegar bóndinn, Guttormur Brynjólfsson, dætur hans tvær og bróðurdóttir fórust, líklega af völdum jarðsprengju. Árið 1941 höfðu brezkir setuliðsmenn æfingu þar sem slysið varð. Þau stóðu öll uppi á melhól, þegar eldblossi sást skyndilega, og þegar að var komið, voru þau öll látin og með mikla áverka.

Gunnlaugur Þórðarson (1819-1861), rithöfundur og fræðimaður, sem vann mikið í Kaupmannahöfn að fræðistörfum, var fæddur í Ási. Hann vann m.a. að útgáfu fornrita og orðabók Richards Cleasbys og samdi ritgerð um túna- og engjarækt.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM