Baula Borgarfjörður,

Gönguleiðir Ísland


BAULA


Baula (934 m), prýði Borgarfjarðar, er keilumyndaður bergeitill úr súru bergi (laccolith; grunnt innskot) vestan Norðurárdals á sýslumörkum Dala- og Mýrarsýslu. Hreinir hraungúlar eru ekki til á Íslandi. Líklega eru Hlíðarfjall, Hágöngur o.fl. af sama toga og flest orðin til undir jökli.

Baula er brött uppgöngu, gróðurlaus og skriðurunnin. Rýólítkvika er oftast mjög seigfljótandi, þannig að hún hrúgast upp í troðgosum og myndar keilulaga gúla. Útsýni af tindinum er geysivítt. Skildingafell og Litla-Baula eru vestan og norðan Baulu umhverfis Sátudal.

Þaðan rennur Dýrastaðaá í gljúfrum og fossaföllum niður í Norðurá hjá Hóli og Hafþórsstöðum.
Þjóðsagan segir frá tjörn uppi á Baulutindi. Þar á að vera óskasteinn, sem flýtur upp einu sinni á ári. Baula var fyrst klifin árið 1851 (Halldór Bjarnason frá Litlu-Gröf), og þótti það talsvert afrek.

VESTURLAND MENNING OG SAGA

.

Ferðaáætlanir
Rútur-Ferjur-Flug

 



TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM