Bjarnarey Vestmannaeyjar,

Meira um Ísland


BJARNAREY
.

.

Ferðaáætlanir
Rútur-Ferjur-Flug

 

Bjarnarey er fjórða stærsta eyja Vestmannaeyja. Hún liggur austan Heimaeyjar og suðvestan Elliðaeyjar. Hæst rís hún í Bunka (164 m), sem er gamall eldgígur. Bezti uppgöngustaðurinn er í Höfn, að norðaustanverðu.  Í vestanátt er gott var fyrir báta  í Haganesbót. Eyjan er grösug og talin góð vetrarbeit fyrir 128 sauði. Heyskapur var þar nokkur.

Geysimikið er af lunda og öðrum svartfugli í eyjunni og fugla- og eggjatekja var og er enn þá mikil. Veiðimenn liggja úti við lundaveiðar og eggjatöku og hafast við í veiðikofanum á eyjunni.

Oft verður vart hvala umhverfis eyjuna sem og aðrar Vestmannaeyjar. Meðal hvalategunda, sem hafa sézt eru búrhvalir, hnúfubakar, gráhvalir, háhyrningar, ýmsar höfrungategundir, hnísur og hrefnur.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM