Dalatangaviti,

Gönguleiðir Ísland


DALATANGAVITI
.

.

Ferðaáætlanir
Rútur-Ferjur-Flug

 

DalatangavitiVitinn var hlaðinn úr grjóti, sem lagt var í sandsteypu, og múrhúðuð að utanverðu. Utanmál eru 4,1 x 4,9 metrar, útveggir misþykkir, frá 40 upp í 80 cm. Loft er aðeins yfir litlum hluta vitans með litlum turni, sem gekk upp úr þaki og var ljósbúnaður í honum. Bárujárn á þaki er bikað. Í vitanum er herbergi ætlað gæslumanni, sem ætlað var að dvelja í vitanum, þegar þurfa þótti.  Hann var byggður 1899 og endurnýjaður 1908 og 1918.

Nýr viti var reistur á Dalatanga árið 1908 úr steinsteypu og voru þá ljóstæki gamla vitans flutt í nýjan vita á Brimnesi, nokkru norðar.

Veggir gamla vitans voru illa farnir og þak að falli komið, þegar ákveðið var að gera hann upp í upphaflegri mynd á níunda áratug tuttugustu aldar. Viðgerðir fóru fram árið 1985 og voru þær kostaðar af Siglingamálastofnun Íslands. Hefur vitanum verið sinnt reglulega síðan. Þjóðminjasafn Íslands kom fyrst að málum árið 2003.
Mynd: Þjóðminjasafn.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM