Fjallabak nyrðra Landmannaleið,
Hálendið
Ferðavísir

Rútuáætlanir
Á eigin vegum
Fjallaskálar
Gisting
Tjaldstæði
Skoðunarvert
Gönguleiðir
Ferðakort
Myndir
Meira um Ísland
Upplýsingamiðst.


Hálendið

VEIÐIVÖTN að FJALLABAKI

FRIÐLAND AÐ FJALLABAKI

DÓMADALSLEIÐ

LANDMANNA
HELLIR


FJALLABAK NYÐRA - LANDMANNALEIÐ
Fjallabaksleið nyðri F-208

Áður en farið inn á hálendið komið við hjá næstu upplýsingamiðstöð!

.

[Flag of the United Kingdom]
In English


Fjallabak syðra /Miðvegur

Skaftfellingar nefna þessa leið Fjallabaksveg og telja það eldra og réttara. Hún liggur á milli Landsveitar og Skaftártungu norðan Heklu og Torfajökuls. Þetta er einhver litskrúðugasta og fjölbreyttasta hálendisleið landsins. Í þurrkatíð er hún akfær flestum bílum, en þó er betra að hafa fjórhjóladrifið við höndina. Frá Sigölduvirkjun liggur 26 km löng leið suður í Landmannalaugar. Sé hin rétta Fjallabaks- eða Landmannaleið ekin upp úr Landsveit til austurs, er haldið upp Sölvahraun og beygt til hægri við vegprestinn, sem segir Dómadalsleið.

Þá er ekið á milli Hekluhrauna og hlíða, um Lambahraun, yfir óbrúaðar sprænur, um Kringlu og Dómadal. Þá kemur Frostastaðavatn, þar sem leiðin kvíslast í þrjár áttir. Til vinstri liggur leiðin að Sigöldu, beint áfram að Ljótapolli og til hægri til Landmannalauga eða áfram austur í Skaftártungu. Jökulgilskvísl, sem var versti farartálminn á leiðinni var brúuð. Austan hennar er ekið um Kýlinga, við rætur Kirkjufells, um Illagil og Jökuldali að Hörðubreiðarhálsi. Þar opnast útsýnin til austurs yfir Eldgjá og Lakagíga á Síðuafrétti. Einnig sést til Langasjávarsvæðisins, Fögrufjalla og Tungnárfjalla og inn á Vatnajökul vestanverðan. Síðan er haldið niður í Eldgjá, yfir Syðri-Ófæru og niður Skaftártungu.

Skálar eru víða á leiðinni, s.s. í Landmannahelli, Landmannalaugum, Kýlingum og Hólaskjóli. Það er óhætt að fullyrða, að þessi landshluti lætur engan sem um hann fer, ósnortinn. Kynnisferðir hf. halda uppi áætlunarferðum um Fjallabaks- eða Landmannaleið á hverjum degi á sumrin með viðkomu í Landmannalaugum og Eldgjá
.
.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM