Geirshólmur Hvalfjörður,

Meira um Ísland


GEIRSHÓLMUR
.

.

Ferðaáætlanir
Rútur-Ferjur-Flug

 

Geirshólmur er næstum kringlóttur klettshólmur, nærri Þyrilsnesi í Hvalfirði.  Hans er getið í Sturlungu og Harðar sögu og hólmverja.  Hörður Grímkelsson var foringi ræningja, sem höfðust við á hólmanum, þar til þeir voru ginntir í land með gylliboðum og drepnir.  Herði tókst þó að drepa 13 manns áður en hann lét lífið.

Helga Jarlsdóttir, kona hans, treysti ekki á byggðamenn og beið í hólmanum með syni sína tvo, fjögurra og átta ára.  Hún synti til lands með hinn yngri á bakinu en
hinn eldri, Grímkell, synti þar til honum fataðist sundið og Helga, sem hafði snúið við, þegar hún hafði komið hinum yngri í land, kom honum til hjálpar.  Þau komust yfir Þyril til Skorradals, þar sem skotið var skjólshúsi yfir þau.  Liðsflokkur Sturlu Sighvatssonar settist að í hómanum um tíma á Sturlungaöld og fór þaðan í ránsferðir.

Söguslóðir Suðvesturland


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM