Hengill,

Meira um Ísland


Gönguleiðir Ísland

Gönguleiðir á Hengilssvæðinu
Vefsetur Arnar Egillsonar

HENGILL
.

.

Ferðaáætlanir
Rútur-Ferjur-Flug

 

 

Hengill er 803 m hátt móbergs- og grágrýtisfjall (e.t.v. umturnaður stapi) við rætur Reykjanesskagans, skammt frá þjóðleiðinni austur fyrir fjall frá höfuðborgarsvæðinu.  Hann er líklega hluti megineldstöðvar, enda gætir mikillar jarðhitavirkni allt umhverfis.  Hæsti tindurinn heitir Skeggi.  Suður úr Hengli gengur rýólítfjallið Sleggja.  Dalirnir sunnan Hengils eru frá vestri til austurs:  Innstidalur, Miðdalur og Fremstidalur.  Hengladalaá kemur upp í þeim og rennur niður í Ölfus í Reykjadalsá.  Innstidalur er milli Hengils og Skarðsmýrarfjalls (597m).  Þar er stór gufuhver og ölkelda er í Hengladölum.  Sagnir segja frá útilegumönnum í Henglinum og þar fannst hellir með mannvistarleifum í stórum kletti norðvestan gufuhversins.

Marardalur er sigdalur vestan Hengils undir Skeggja.  Dalbotninn er grasi vaxinn og sléttur.  Umhverfis eru hamrar og skriður og austur úr dalnum er þröngt gil, sem er hestfært.  Dalurinn var vinsæll áfangastaður ferðamanna fyrrum.  Árið 1881 var maður drepinn þar í ölæði, þegar hann reyndi að afstýra áflogum.  Þarna voru einhverjar síðustu stöðvar hreindýra í Reykjanesfjallgarði.  Ölfusingar létu naut sín ganga sumarlangt í dalnum og lokuðu gilinu.  Einnig má nefna Bolavelli við Húsmúla, sem voru nýttir á sama hátt, en þar voru þau oft hættuleg ferðamönnum.

Gestamóttaka Hellisheiðarvirkjunar

TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM