Hindisvík á Vatnsnesi,

Gönguleiðir Ísland


HINDISVÍK

.

.

Ferðaáætlanir
Rútur-Ferjur-Flug

 

Hindisvík er nyrzti bær og fyrrum prestsetur á Vatnsnesi.  Þetta eyðibýli stendur undir sléttu klettaþili á sléttu túni við samnefnda vík.  Úti fyrir skeifulaga víkinni eru eyjar og sker og útsýni er vítt til Stranda.  Óvíða eru stærri selalátur, sem hafa verið friðlýst lengi, enda er selurinn tiltölulega spakur.  Hindisvík var mikil hlunnindajörð og þar var verzlunarstaður 1924.

Séra Sigurður Norland (1885-1971), kenndur við Hindisvík, þjónaði Tjarnarprestakalli 1923-55.  Hann var sérkennilegur á ýmsan hátt og tungumálamaður mikill, m.a. sat hann í Háskólanum nærri áttræðu til að endurhæfa sig í hebresku og grísku.  Hann var hagmæltur og orti m.a. vísur að íslenzkum hætti á ensku.  Ljóðabókin „Nokkur kvæði og vísur” kom út 1965.  Hann vildi að Hindisvík yrði að höfn og þéttbýlisstað og varði nokkru fé til að gera þennan draum sinn að veruleika. Hestamennsku hans er við brugðið og Hindisvíkurkynið, sem hann ræktaði varð alþekkt.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM