Hoffell í Nesjum,

Meira um Ísland


Gönguleiðir Ísland


HOFFELL
.

.

Ferðaáætlanir
Rútur-Ferjur-Flug

 

Hoffell er stórbýli í Nesjum.  Landnáma segir, að Auðun hinn rauði hafi keypt þar land af Hrollaugi og m.a. reist þar hof.  Meðal verðmætra steina, sem finnast á landareigninni, eru marmari, silfurberg, ópalar og jaspís.  Stærsti silfurbergssteinninn, sem fannst þar, vóg 175 kg.  Hann var sendur til Reykjavíkur og þaðan var hann seldur til Þýzkalands á háu verði.

Talsvert er um ríólít í fjöllum og flest bendir til þess, að þetta umhverfi hafi verið megineldstöð fyrrum.  Námavinnsla var stunduð í Hoffellslandi fyrir tilstuðlan Guðmundar Hoffells (1875-1945).  Jón Helgason, sýslumaður, bjó á Hoffelli í lok 18. aldar.  Hann fetaði ekki troðnar slóðir og átti í miklum útistöðum við marga.  Hann var dæmdur í sektir og frá embætti að lokum.  Afkomendur hans hafa búið að Hoffelli síðan.

Söguslóðir á Austurlandi


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM