Hvammur í Dölum,

Meira um Ísland


HVAMMUR
.

.

Ferðaáætlanir
Rútur-Ferjur-Flug

 

Hvammur er prestssetur og kirkjustaður í Hvammssveit í Dölum með útkirkjur á Staðarhóli, Skarði, Staðarfelli og í Dagverðarnesi.  Katólskar kirkjur staðarins voru helgaðar guði og Maríu mey, Jóhannesi skírara, postulunum Jóhannesi skírara og Pétri, Ólafi Noregskonungi, Þorláki biskupi, Maríu Magdalenu og öllum helgum mönnum.  Kirkjan, sem nú stendur, var vígð árið 1884.  Hún er úr timbri og miklar endurbætur voru gerðar á henni á síðari hluta 20. aldar.

Auður djúpúðga Ketilsdóttir bjó þar í landnámi sínu og þar var höfðingjasetur fyrrum.  Meðal höfðingja, sem sátu þar, var Þórður gellir (10. öld), einhver mesti höfðingi Vesturlands á sínum dögum og átti þátt í stofnun fjórðungsþinga.  Hvamms-Sturla Þórðarson (1115-1183), ættfaðir Sturlunga og faðir Snorra (1171-1240), bjó þar.  Sturla var harður í horn að taka og slunginn og átti í útistöðum við menn.  Sturlungasaga segir sérstaklega frá honum.

Hvammur er í Skeggjadal, sem er mjög skjólsæll.  Sagt er, að sonur Þórðar gellis, Skeggi, hafi búið að Hvammi.  Hvammur, Skerðingsstaður og Hofakur eru byggð ból í dalnum.  Þar er líka allstór skógræktargirðing Dalamanna (u.þ.b. 55 ha).  Ritari Hvammsannáls, sr. Þórður Þórðarson (1684-1739),  var prestur í Hvammi frá 1721 til æviloka.

VESTURLAND MENNING OG SAGA


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM