Kaldalón Ísafjarðardjúp,

Gönguleiðir Ísland


KALDALÓN
.

.

Ferðaáætlanir
Rútur-Ferjur-Flug

 

Kaldalón er u.þ.b. 5 km langur fjörður inn úr norðanverðu Ísafjarðardjúpi í átt að Drangajökli.  Inn af honum er nokkuð undirlendi með jökulöldum og ruðningi og talsverðum grasgróðri.  Áin Mórilla fellur undan skriðjöklinum og smáfyllir fjörðinn með framburði.  Bærinn Lónhóll er sagður hafa sópast brott í jökulhlaupi á 18. öld.  Annars bæjar er getið í Kaldalóni, Trimbilsstaða, en engin merki hafa fundizt um hann.

Náttúrufegurð er við brugðið í Kaldalóni.  Vegur, sem endar við Tyrðilmýri, yzta byggt ból á Snæfjallaströnd, liggur um brú yfir Mórillu.  Vegalengdin milli Tyrðilmýrar og Ísafjarðar landleiðina er u.þ.b. 220 km.

Bærinn Ármúli er næstur innan við Kaldalón.  Þar bjó um tíma héraðslæknirinn og tónskáldið Sigvaldi Kaldalóns.  Kaldalónsnafnið tók hann upp vegna þess, hve hrifinn hann var af fegurð náttúrunnar á þessum slóðum.

Vesfirðir saga og menning

Gönguleiðir liggja frá Kaldalóni til Jökulfjarða og yfir Drangajökul til Hornstranda.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM