Múli í Aðaldal,

Gönguleiðir Ísland


MÚLI
.

.

Ferðaáætlanir
Rútur-Ferjur-Flug

 

Múli er fornt höfuðból, löngum prestssetur og kirkjustaður í Aðaldal.  Eldra nafn bæjarins er Fellsmúli.  Prestar sóttust eftir þessu tekjuháa og þægilega brauði.  Heimajörðin var góð, margar kirkjujarðir, hjáleigur og ítök fylgdu.

Um aldamótin 1100 var þar Oddi Helgason (Stjörnu-Oddi), líklega einn mesti stjörnufræðingur þess tíma í heiminum.  Hann uppgötvaði margt um gang himintuglanna og skráði athuganir sínar.  Hann hafði samt lítil sem engin áhrif á þróun þessarar fræðigreinar vegna þess hve fjarri hann bjó frá öðrum stjörnufræðingum og rannsóknir hans urðu ekki kunnar fyrr en mörgum öldum síðar.

Jón Jónsson (1855-1912), alþingismaður í mörg ár, bjó í Múla.  Sonur hans, Árni (1891-1947), var líka þingmaður og faðir Jóns Múla og Jónasar Árnasona.  Jón Múli var kunnur fyrir rödd sína í útvarpinu um áratuga skeið, tónlist, lagasmíði o.fl.  Jónas var þingmaður og í flestu eins listfengur og Jón.  Jón lézt í apríl 2002.

NORÐURLAND SAGA OG MENNING


Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir