Ólafsdalur í Dölum,

Gönguleiðir Ísland


ÓLAFSDALUR
.

.

Ferðaáætlanir
Rútur-Ferjur-Flug

 

Ólafsdalur í Dalasýslu er u.þ.b. 5 km langur suður úr innanverðum Gilsfirði.  Þar er samnefndur bær, þar sem Torfi Bjarnason (1838-1915) stofnaði fyrsta búnaðarskóla landsins af eigin rammleik.  Þessi skóli starfaði á árunum 1880-1907, þegar hið opinbera tók við búnaðarfræðslunni.

Torfi var mesti landbúnaðarfrömuður sins tíma og lagði mikið til betri vinnubragða og tækniframfara.  Hann smíðaði og flutti til landsins skozka ljái, sem voru kenndir við hann og nefndir Torfaljáir.  Hann rak tóvinnslu og mikið var smíðað af jarðvinnsluverkfærum í Ólafsdal.  Torfa og Guðlaugu Zakaríasdóttur, konu hans, var reistur minnisvarði í Ólafsdal árið 1955.  Nú er bærinn í eyði en er skólasel Menntaskólans við Sund í Reykjavík.

Ólafsdalsá rennur í sunnanverðan Gilsfjörð.og er fremur stutt og vatnslítil með upptökin í hálendinu.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM