Steinsholt Þórsmörk,

Gönguleiðir Ísland

. Bókaðu gistingu í Þórsmörk beint! .

STEINSHOLT
.

.

Ferðaáætlanir
Rútur-Ferjur-Flug

Steinsholt er 5 km langur afréttur innan Langaness í Eyjafjöllum norðanverðum.  Það afmarkast einnig af tveimur skriðjöklum, Falljökli eða Gígjökli og Steinsholtsjökli.  Við jaðar þeirra eru djúp lón.  Neðan Gígjökuls liggur leiðin inn í Þórsmörk.  Afrétturinn er hlíðabrattur og skorinn djúpum giljum með hamraborgum á milli.  Hann var mjög erfiður smölunar og stundum þurfti að láta fé síga í böndum niður á jafnsléttu.

Árið 1967 (15. jan.) brotnaði stór fylla úr Innstahaus (15 miljónir m3) við jökulinn vestanverðan, þar sem þverhnípið er u.þ.b. 400 m hátt.  Þessar náttúruhamfarir komu fram á jarðskjálftamælum á Kirkjubæjarklaustri.  Fyllan varð að stórri hrúgu á jöklinum, braut hann og bramlaði og jós stórri flóðbylgju upp úr lóninu.  Hún bar með sér mikinn ís og stórgrýti.  Vatnið hljóp fram í Markarfljót og rennslið við brúna, 25 km neðar, mældist mest 2100 m3/sek.  Áætlað vatnsmagn var 1½-2½ miljónir rúmmetra.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM