Teigarhorn Berufjörður,

Gönguleiðir Ísland


TEIGARHORN
.

.

Ferðaáætlanir
Rútur-Ferjur-Flug

 

Teigarhorn er bær í Búlandshreppi skammt, u.þ.b. 4 km inn af Djúpavogi. Þar er líklega merkasti fundarstaður geislasteina (zeolíta, aðallega skolesít) í heiminum. Þessir kristallar eru holufyllingar í gosbergi, s.s. blágrýti. Þeir veðrast úr berginu við bæinn, einkum er brimið afkastamikið við þá iðju. Þarna finnast stærstu og fallegustu zeolítar á landinu. Þeir voru aðgengilegir öllum þar til náman var friðlýst. Nú verður að fá leyfi bóndans og fylgd hans til að skoða hana í sjávarhömrunum neðan bæjar.

Fyrstu veðurathuganir á Austurlandi hófust þar 1874.  Mesti hiti, sem mælzt hefur þar var 30,5°C í júní 1939.  Nikólína Weywadt (1848-1921), einn fyrsti ljósmyndari á Austurlandi, sem erfði jörðina eftir föður sinn, Niels Peter Emil Weywadt (1814-83), verzlunarstjóra á Djúpavogi, bjó þar og jörðin er enn þá í eigu og ábúð niðja hans.  Íbúðarhúsið, sem hefur verið í umsjá Þjóðminjasafnsins síðan 1992 (búið í því til 1988), var byggt á árunum 1890-82 og var upphaflega pappaklætt, sem var óvenjulegt hérlendis.  Undir húsinu er steinhlaðinn kjallari og hæðin ofan á jarðhæðinni er portbyggð og geymsluloft er í risi.  Húsið er 65 fermetrar.

Nikólína sá um búið að föður sínum látnum og lét byggja ljósmyndaskúr.  Plötusafn hennar og ýmis áhöld eru í vörzlu Þjóðminjasafnsins, sem lét gera við íbúðarhúsið fyrir aldamótin og til stendur að endurbyggja ljósmyndaskúrinn.  Frænka Nikólínu, Regína Björnsdóttir (1884-1973), lærði ljósmyndun hjá henni.   Hinn 22. september 1872 fórst bátur á leið frá Teigarhorni til Djúpavogs í blíðviðri að kvöldlagi.  Með honum fórust Niels Emil Weywadt, lögfræðingur, 29 ára sonur Nielsar verzlunarstjóra, fjögur systkini hans og fimm menn aðrir.  Alls átti Weywadt verzlunarstjóri 14 börn.  Í landslaginu umhverfis Búlandshöfða eru berggangar mjög áberandi.
Mesti hiti sem mælst hefur
á Islandi við staðalaðstæður er 30,5 mældis á Teigarhorni 22 juni 1939.

Söguslóðir á Austurlandi


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM