Úthlíð í Biskupstungum,

Gönguleiðir Ísland


ÚTHLÍÐ

.

.

Ferðaáætlanir
Rútur-Ferjur-Flug

 

Úthlíð hét fyrrum Hlíð hin ytri og var kirkjustaður í Biskupstungum.  Ásgeir Úlfsson, tengdasonur Ketilbjarnar gamla á Mosfelli, byggði þar bú.  Hans sonur var Geir goði, sem bjó líka í Úthlíð.  Haugur hans er sagður vera skammt frá bænum og þar móar fyrir hoftótt niðri við mýrina neðan gamla bæjarins.  Stór grásteinn með laut er sagður vera hlautbolli úr hofinu.

Í katólskum sið voru kirkjur staðarins helgaðar Maríu guðsmóður og voru útkirkjur frá prestssetrinu í Miðdal í Laugardal þar til þær urðu útkirkjur frá Torfastöðum með lögum árið 1880.  Kirkjunni var þjónað frá Torfastöðum og Skálholti til 1963.  Lengi var þjónað í stofunni í Úthlíð eftir að kirkjan fauk 1936.
.

Nýja kirkjan er hátíðleg og falleg og sést langt að. n var reist árið 2005-2006 í minningu Ágústu Ólafsdóttur, eiginkonu Björns Sigurðssonar bónda í Úthlíð.  Hún lést fyrir aldur fram haustið 2004.

Úthlíð er meðal stærstu jarða landsins.  Meginhluti lands hennar er Úthlíðarhraun úr Eldborgum á Lambahrauni, sem steyptist niður hlíðina ofan við bæinn.  Þetta hraun er gróið, mosi ofantil og kjarr neðar, þar sem sumarbústaðabyggðin er.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM