Akureyjar Helgafellsströnd,

Meira um Ísland


Gönguleiðir Ísland


AKUREYJAR
HELGAFELLSSVEIT

.

.

Ferðaáætlanir
Rútur-Ferjur-Flug

 

Þessar Akureyjar eru í Helgafellssveit í Snæfellsnessýslu en eru samnefndar eyjaklasa undan Skarðsströnd, sem er mun þekktari.  Talsverð hlunnindi voru og eru þar af fugli, fjöru og fiski og þar voru verstöðvar fyrir 1700.  Þaðan er elzti varðveitti bátur með breiðfirzku lagi.  Samkvæmt Heiðarvígasögu sló Víga-Styr eign sinni á Akureyjar með dólgsskap og fölskum sökum.  Árið 1360 voru eyjarnar í eigu Helgafellsklausturs.  Árið 1702 áttu 16 manns heima í Akureyjum og þar voru 8 nautgripir og 9 kindur.  Tíu manns bjuggu þar á árunum 1890-1920 og síðustu ábúendur fóru þaðan 1952.  Nafn eyjanna gefur til kynna akuryrkju og e.t.v. hefur Björn austræni eða afkomendur hans ræktað þar korn.  Óljósar menjar um akurgerði eru milli Norður- og Suðurhöfða og suðvestan Fótabarðs eru merki um akra.
Skeley er sunnan Bæjarvogsins.  Þar voru tvær hjáleigur eða búðir um 1700 og voru líklega fleiri fyrrum. 

Fáskrúð er gróðursnauð eyja 2½ km norðan Akureyja og 2 km norðar er hólmi, sem heitir Gagnsleysa.  Fjórum km norðaustar er einhver fjölsóttasta verstöð í sunnanverðum Breiðafirði fyrrum, Höskuldsey.

Klængur Þorsteinsson Skálholtsbiskup vígði Águstusarklaustur í Flatey á Breiðafirði árið 1172.  Af ókunnum ástæðum var það flutt til Helgafells 1184 eða 1185.  Leiddar hafa verið líkur að því, að það hefði verið betur í sveit sett á meginlandinu, þar sem Helgafell var í alfaraleið.  Ögmundur Kálfsson varð fyrst ábóti þess og það starfaði til siðaskipta.

Á miðöldum voru aðeins tvö nunnuklaustur starfrækt á landinu.  Þau störfuðu bæði í anda heilags Benedikts.

VESTURLAND MENNING OG SAGA
 


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM