Hveravellir Kjalvegur


Gönguleiðir Ísland


HVERAVELLIR

.

.
[Flag of the United Kingdom]
In English


Ferðaáætlanir
Rútur-Ferjur-Flug

Hveravellir er mjög áhugavert jarðhitasvæði, sem kúrir í lægð norðan undir Kjalhrauni. Þar er vinsæll viðkomustaður ferðamanna, sem baða sig gjarnan í uppbyggðri laug, skoða hverasvæðið og rústir kofa Fjalla-Eyvindar rétt hjá.

Kjalvegur hinn forni lá um svæðið og líklega er lægðin Hvinverjadalur hinn forni, sem nefndur er í Landnámu og Sturlungu. Norðan lægðarinnar er Breiðimelur með veðurathugunarstöð, sem var reist 1965. Helztu hverirnir á svæðinu heita Öskurhólshver, Eyvindarhver, Bláhver, Bræðrahverir og Gamli strokkur.  Tréstígur liggur um svæðið og ætlast er til að fólk haldi sig á honum vegna hinna fögru og stöllóttu kísilúrfellinga, sem þola ekki ágang. Þar finnst víða fjöldi skelja kísilþörunga, sem lifa í volgu hveravatninu. Hveravellir voru friðlýstir sem náttúruvætti árið 1960. Jarðhitinn er ekki einungis bundinn aðalhverasvæðinu, heldur má sjá gufu stíga upp úr sprungum í norðanverðu Kjalhrauni. Gamla Ferðafélagshúsið er frá 1938 en hið nýja frá 1980.  Svínavatnshreppur keypti aðstöðu Ferðafélagsins árið 2002. Allrahanda (Iceland Excursions)  keypti aðstöðu  Svínavatnshrepps árið 2013. Síðan árið 2010 er hluti nýja skálans rekinn sem veitingahús, sem býður mat og drykk. Hveravellir er  sumarviðkomustaður  SBA-Norðurleiðar.  Mjög skemmtileg gönguleið er milli Hveravalla og Hvítárness.


Hvítárnes 53 km <Hveravellir> Blönduvirkjun 37 km, Varmahlíð 108 km, Blönduós 106 km.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM