NORÐURLAND

FERÐAVÍSIR
Skoðunarvert
Rútuáætlanir
Á eigin vegum
Ferjuáætlanir
Flugáætlanir
Gisting
Tjaldstæði
Skipulagðar ferðir
Menning & saga
Gönguleiðir
Söfn og gallerí
Kirkjur
Ferðakort
Myndir
Meira um Ísland
Upplýsingamiðst.


GRENIVÍK

FERÐAVÍSIR

.

.
[Flag of the United Kingdom]
In English


Ferðaáætlanir
Rútur-Ferjur-Flug

 

Grenivík er kauptún í Grýtubakkahreppi austan Eyjafjarðar og norðan Dalsmynnis.  Samkvæmt Landnámu nam maður að nafni Þormóður land á þessum slóðum.  Kaldbakur er á aðra hönd en Þengilhöfði á hina og láglendið Höfðahverfi frá víkinni suður að Fnjóská er þéttbýlt og búsældarlegt.  Ofan kauptúnsins er hólaþyrping gamalla ísaldarruðninga. Þegar á öðrum áratugi 20. aldar var komin byggð á Grenivík og 15-20 hús árið 1935.  Þarna lifði fólk af sjó og landi en erfitt var um vik á veturna, því að hafnarskilyrði voru bág.  Reynt var að reka lifrarbræðslu 1930-1940 en hún bar sig illa.  Höfn var ekki gerð fyrr en árið 1965 og þá fjölgaði íbúum í kjölfarið.  KEA rak sláturhús frá árinu 1916 og verzlun frá 1930.  Grenivíkursókn er þjónað frá Laufási.

Dalsmynni tengir Eyjafjörð við Fnjóskadal skammt norðan Laufáss og sunnan Grenivíkur.  Það er skarð, sem Fnjóská hefur breikkað og beggja vegna þess eru 800-1000 m há fjöll.  Fossarnir í ánni voru gerðir laxgengir.  Á veturna er Dalsmynni oft eina færa leiðin milli landshluta, en þó verður að gefa snjóflóðahættu gaum.

Vegalendin frá Reykjavík er u.þ.b. 427 km um Hvalfjarðargöng.
Húsavík 108 km. um Dalsmynni <Grenivík> Akureyri 38 km.
.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM