Teigur í Vopnafirði,

Meira um Ísland


TEIGUR í VOPNAFIRÐI
.

.

Ferðaáætlanir
Rútur-Ferjur-Flug

 

Teigur er rétt við þjóðveginn í Hofsárdal, þar sem hann sveigir upp á Fossheiði í átt að hringveginum á Hárekstaðakaflanum.  Sigurður Þórarinsson (1912-1983), jarðfræðingur, fæddist að Hofi lítið eitt austar, en ólst upp að Teigi.  Hann menntaðist í Stokkhólmi og lauk þar doktorsprófi 1944.  Hann var forstöðumaður jarð- og landfræðideildar Náttúrufræðistofnunar Íslands á árunum 1947-68 og prófessor í jarð- og landafræði við HÍ 1968-83.  Hann er meðal þekktustu vísindamanna þjóðarinnar og heimsfrægur fyrir rannsóknir jökla, breytinga loftslags, eldfjalla, en aðallega öskulaga.  Hann var upphafsmaður síðastnefndu rannsóknanna, sem leiddu til mikillar einföldunar tímatalsákvarðana (tephrachronology) með hliðsjón af öskulögum.  Sigurður skrifaði u.þ.b. 300 greinar og rit og hélt u.þ.b. 200 erindi í háskólum, vísindastofnunum og á ráðstefnum vítt og breitt um heiminn.  Hann var skáld gott og orti eða þýddi mörg ljóð og vísur við þekkt lög.  Hann var í stjórn margra félaga, s.s. JÖRFÍ og Jarðfræðifélags Íslands um árabil.

Skáldkonan Erla (Guðfinna Þorsteinsdóttir; 1891-1972) bjó um skeið að Teigi.  Eftir hana liggja nokkrar ljóðabækur.  Sonur hennar, Þorsteinn Valdimarsson (1918-1977), guðfræðingur, var einnig þekkt skáld, sem orti ljóð og þýddi.

Söguslóðir á Austurlandi

Veiðihús Hofsár er í Landi Teigs, sem nýtur mikilla hlunninda vegna laxveiðinna í ánni.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM