Sænautavatn,,


Veiðileyfi


Skilið veiðiskýrslum


SÆNAUTAVATN
.

.

Ferðaáætlanir
Rútur-Ferjur-Flug




SÆNAUTASEL

Sænautavatn er með stærri vötnum á Jökuldalsheiði og er gott veiðivatn. Flatarmál þess er 2,3 km², mesta dýpt 23 m og það er í 525 m hæð yfir sjó. Vatnið liggur frá norðri til suðurs og bærinn Rangalón, sem fór í eyði 1924 er við norðurenda þess.

Bærinn Sænautasel, sem fór í eyði 1943, er við suðurenda vatnsins.  Hann hefur verið endurbyggður sem safn.
  Frárennsli þess er Lónskvísl, sem fellur til Hofsár í Vopnafirði. Hringvegurinn nr. 1 lá við norðurenda þess og vel er akfært suður fyrir það. Allvænn fiskur er í vatninu, 2-7 punda bleikja, sem þykir sérlega bragðgóð. Netaveiði hefur ekki verið stunduð í vatninu um árabil.

Flestir Íslendingar og margir erlendir aðdáendur Haldórs Kiljan Laxness þekkja söguna um Bjart í Sumarhúsum í skáldverkinu „Sjálfstætt fólk”.  Hún lýsir lífsbaráttu sjálfstæðs kotbónda á afskekktri heiði.  Margir telja að fyrirmynd sögunnar sé komin frá Sænautaseli, því þar átti Halldór næturstað á þriðja áratugi 20. aldar.  Hann gekk þangað úr byggð.
 

Veiði er heimil allan sólarhringinn. veitt er frá 1. maí til 20. september.

Allt löglegt agn:  Fluga, maðkur og spónn.

Veiðivörður / umsjónarmaður á staðnum:

Lilja Óladóttir, Sænautaseli, s: 471-1086 eða 892-8956

Vegalengdin frá Reykjavík er u.þ.b. 588 km um Hvalfjarðargöng, 74 Km frá Egilsstöðum og 13 Km. frá
þjóðvegi eitt.


TIL BAKA          Nat.is - pósthólf 8593, 108 Reykjavik- sími: 898-0355 - nat@nat.is- um okkur - heimildir          HEIM